No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

हाइटीको जेलबाट दुई सय कैदी फरार, २५ जनाको मृत्यु

  • 5
  •  
  •  
  •  
  •  
    5
    Shares

हाइटीमा जेलबाट शुक्रबार दुई सय भन्दा बढी कैदी भागेका छन् । भाग्ने क्रममा भएको झडपमा परी कम्तीमा २५ जनाको मृत्यु भएको छ । मृत्यु हुनेमा जेलका निर्देशक समेत रहेका सञ्चार सचिव फ्रन्टज एक्सान्तुजले जानकारी दिएका छन् । जेलमा झण्डै ४०० कैदी रहेका थिए ।

“घटनामा परी कम्तीमा २५ जनाको मृत्यु भएको छ । तीमध्ये छ जना कैदी नै रहेका छन् भने एक जना जेलका प्रमुख पौल हेक्टर जोसेफ रहेका छन्,” उनले भने । राजधानी पोर्ट ओ प्रिन्समा रहेको जेलमा भागाभाग हुँदा उनीहरुको मृत्यु भएको उनले जानकारी दिए । मृत्यु हुनेमा केही सर्वसाधारण पनि रहेका उनले बताए ।

झण्डै दुई सय जना कैदी भने अझै पनि जेलमै रहेका छन् । उनीहरुलाई भाग्न नदिन प्रहरीले धेरै मेहनत गरेको सचिव एक्सान्तुजले बताए । जेलमा राखिएका केही कैदीलाई हतकडी लगाइएको र केहीलाई बाँधिएकोले पनि उनीहरु भाग्न नसकेको उनको भनाई छ । मृत्यु हुनेमा एक जना समूह नाइके अर्नेल जोसेफ पनि रहेका छन् ।

उनलाई प्रहरीले गोली प्रहार गरेर हत्या गरेको अधिकारीहरुले जनाएका छन् । हाइटीमा जेल तोडफोड भएका र कैदीहरु भाग्ने तथा उनीहरुको मृत्यु भएका घटना बेला बेलामा हुने गरेका छन् ।

प्रकाशित: १५ फाल्गुन २०७७, शनिबार ०९:५८
Comments
Loading...