No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

कोही भ्रममा पर्नु पर्दैन, नेकपा र सूर्य चिन्ह हाम्रै होः प्रचण्ड

  • 29
  •  
  •  
  •  
  •  
    29
    Shares

काठमाडौं । नेकपाको प्रचण्ड–नेपाल समूहका अध्यक्ष पुष्पकमल दाहाल प्रचण्डले केही दिनभित्रै निर्वाचन आयोगले नेकपाबारे निर्णय गर्ने बताएका छन् ।

सोमबार आफू निकट पेशागत महासंघ र नेपाल राष्ट्रिय कर्मचारी महासंघको एकता घोषणा सभालाई सम्बोधन गर्दै अध्यक्ष प्रचण्डले निर्वाचन आयोगले केही दिनभित्रै निर्णय गर्ने र त्यो आफ्नो पक्षमा आउने दाबी गरेका हुन् ।

सर्वोच्चको फैसलापछि केपी शर्मा ओली प्रधानमन्त्रीको कुर्सीमा एकछिन पनि बस्न लायक नभएको भन्दै प्रचण्डले ओली पतन नहुँदासम्म केही नछोड्ने पात्रका रुपमा देखिएको बताए ।उनले भने, ‘कोही भ्रममा पर्नु पर्दैन । नेकपा र सूर्य चिन्ह हाम्रै हो, घोषणा हुन मात्र बाँकी छ ।’

उनले विचार र राजनीतिका कार्यक्रमका आधारमा नै गठबन्धन हुदै एकता गरिएपनि ओलीले पार्टी निर्णय नमानेर समस्या सिर्जना भएको दाबी गरे । उनले सत्ताप्राप्ति र कुर्सी प्राप्तिका लागि ओली जे पनि सम्झौता गर्दिने तर सत्ता प्राप्तिपछि सवै कुरा छोड्ने प्रवृतिको मान्छे भएको बताए । उनले छिटै नयाँ सरकार बन्ने र सरकारले लोकतान्त्रिक व्यवस्था अनुसारको सुशासन दिने कुरामा आफू ढुक्क रहेको बताए ।

 

प्रकाशित: १७ फाल्गुन २०७७, सोमबार १२:२४
Comments
Loading...