No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

कानुनका स–साना छिद्रभित्र पसेर हुने ठूला अत्याचार रोक्न कानुन बलियो बनाउनुपर्छः सभामुख

  • 12
  •  
  •  
  •  
  •  
    12
    Shares

काठमाडौं । सभामुख अग्निप्रसाद सापकोटाले सुशासन कायम गर्न कानुनको शुद्धता र गुणस्तरले बढी भूमिका खेल्ने बताएका छन् ।

सोमबार काठमाडौंमा नेपाली पत्रकारहरुको अन्तर्राष्ट्रिय सञ्जाल (इञ्जा) को तेस्रो स्थापना दिवसका अवसरमा आयोजित कार्यक्रममा सभामुख सभामुख सापकोटाले सुशासनको क्षेत्रमा महत्वपूर्ण विधि, विधान, नीति निर्माण र कानुन भएको भन्दै सुशासन कायम गर्नको लागि कानुनको शुद्धता, पवित्रता र काननुको गुणस्तरले सबैभन्दा बढी भूमिका खेल्ने बताएका हुन् ।

कानुनमा भएका स–साना छिद्र भित्र पसेर ठूला ठूला अत्याचार हुने गरेको भन्दै उनले कानुनलाई बलियो बनाउनुपर्नेमा जोड दिए । उनले भने, ‘तपाई हामीलाई थाहा छ त्यहाँ छिद्र भित्र पसेर धेरै ठूला कुरा हुँदा रहेछन् । एउटा कमा हुँदा र नुहुदा, ‘र’ र ‘वा’ को बीचमा कति ठूला कुरा भइराखेको हुँदा रहेछन् । त्यसरी कति ठूला अत्याचारहरु भइराखेका छन् ।’

उनले नेपालको संविधानले लोकतन्त्रको सबै आयामहरुलाई समेटेको र नयाँ मुल्यमान्यताहरुलाई आत्मसात गर्न खोजेको बताए । संविधानले मौलिक अभ्यास गर्न खोजेको भन्दै उनले संविधानलाई अझैपनि विकास, परिमार्जन र संशोधन गर्नुपर्ने आवश्यकता रहेको बताए ।

सभामुख सापकोटाले संसद पुनःस्थापनका निम्ति नेपाली पत्रकारिता जगतले महत्वपूर्ण भूमिका खेलेकाले नेपाली पत्रकारिताप्रति आफ्नो छाती गर्वले फुलेको र श्रद्धाले शिर झुकेको समेत बताए । कार्यक्रममा इञ्जा खोजी पत्रकारिता पुरस्कारबाट पत्रकारद्वय सुशील पन्त र टपेन्द्र कार्कीलाई पुरस्कृत गरिएको थियो । त्यसैगरी इञ्जाले पत्रकारिताका गुरु लालध्वज देउसा राईलाई विशेष सम्मान गरेको थियो ।

प्रकाशित: १७ फाल्गुन २०७७, सोमबार १३:२१
Comments
Loading...