No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

भारत कोरोनाको हटस्पट बन्दै, एकैदिन थपिए एक लाख २६ हजार संक्रमित

  • 11
  •  
  •  
  •  
  •  
    11
    Shares

भारत कोरोनाभाइरसको संक्रमणमा संसारकै नयाँ हटस्पट बनेको छ । भारतमा संक्रमणको दरले दिनदिनै नयाँ रेकर्ड बनाउन थालेको छ । बुधबार भारतमा १ लाख २६ हजार बढी मानिसमा संक्रमण पुष्टि भएको छ ।

भारतमा पछिल्लो एक महिनादेखि कोरोना संक्रमणको दर उकालो लागेको हो । गत मार्च ७ मा भारतभरि जम्मा १८ हजार ५ सय ९९ जनामा संक्रमण देखिएको थियो । अघिल्लो साता भारतले दैनिक संक्रमणमा ब्राजिल र अमेरिकालाई पछि पारेको थियो। बुधबार ब्राजिलमा ९० हजार र अमेरिका ७५ हजार मानिसमा कोरोना संक्रमण भएको छ। ।

कोरोना संक्रमणबाट बुधबारमात्रै भारतमा ६ सय ८५ जनाको मृत्यु भएको छ । भारतका महाराष्ट्र, गुजरात, राजस्थान, उत्तर प्रदेश, पश्चिम बंगाल, कर्नाटका,मध्य प्रदेश, केरला र बिहार राज्यमा अहिले संक्रमण तीव्र रूपमा फैलिरहेको छ । कोरोनाको दोस्रो लहर नियन्त्रणभन्दा बाहिर जान थालेपछि महाराष्ट्र र दिल्लीमा रात्रिकालीन कर्फ्यू घोषणा गरिएको छ ।

 

प्रकाशित: २६ चैत्र २०७७, बिहीबार ०४:०५
Comments
Loading...