No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

काङ्ग्रेस र कम्युनिस्ट असफल सावित-सत्ता, स्वार्थ र भागबन्डाको लुछाचुँडीका कारण मुलुक अस्थिरताको दलदलमा-अध्यक्ष थापा

  •  
  •  
  •  
  •  
  •  

काठमाडौं । राष्ट्रिय प्रजातन्त्र पार्टीका अध्यक्ष कमल थापाले मुलुकमा वैकल्पिक शक्तिको आवश्यकता महसुस भएको बताएका छन् । राप्रपा काठमाडौं महानगरद्वारा बुधवार आयोजित शुभकामना आदानप्रदान कार्यक्रममा बोल्दै अध्यक्ष थापाले मुलुकमा देखिएको बेथिति विरुद्ध लड्न वैकल्पिक शक्तिको आवश्यकता रहेको बताएका हुन् । अध्यक्ष थापाले भने, ‘अहिले मुलुकको ठुलो समस्या भनेको भ्रष्टाचार , बेरोजगारी ,धर्म परिवर्तन, कुशासन र सर्वसत्तावाद भएको भन्दै थापाले यसको निमित्त लड्न सक्ने वैकल्पिक शक्ति मुलुकले खोजिरहेको छ ।’

अध्यक्ष थापाले काङ्ग्रेस र कम्युनिस्ट असफल सावित भएको भन्दै सत्ता, स्वार्थ र भागबन्डाको लुछाचुँडीमा कारण मुलुक अस्थिरताको दलदलमा फसेको समेत स्पष्ट पारे । थापाले संवैधानिक अंगका प्रमुखहरु माथि नै गम्भीर आरोप–प्रत्यारोप हुनु, एकले अर्कोलाई हिलो छ्यापाछ्याप गर्नुले अहिलेको राज्य व्यवस्था माथि प्रश्न चिन्ह खडा भएको बताउँदै राप्रपालाई मुलुक र जनताले खोजेको वैकल्पिक शक्ति बनाउनको निमित्त महाधिवेशन केन्द्रित भई संगठन निर्माणमा होमिनुपर्ने आवश्यकता रहेको कुरामा जोड दिए । कार्यक्रममा राप्रपा नेताहरु विक्रम थापा, वरिष्ठ अधिवक्ता बिष्णु भट्टराई, इन्द्र चित्रकार, तारा लुइँटेल, डा.जयन्त नाथ खनाल, राजाराम बर्तौला, नवराज सिंखडा लगायतको उपस्थिति रहेको थियो ।

प्रकाशित: १ बैशाख २०७८, बुधबार १४:२७
Comments
Loading...