No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

प्रधानमन्त्रीले लिने विश्वासको मत विफल पार्ने कांग्रेसको निर्णय

  • 1
  •  
  •  
  •  
  •  
    1
    Share

काठमाडौं । नेपाली कांग्रेसले प्रधानमन्त्री केपी शर्मा ओलीलाई विश्वासको मत नदिने निर्णय गरेको छ । मंगलबार पार्टी सभापति शेरबहादुर देउवाको निवास बूढानीलकण्ठमा बसेको पदाधिकारी बैठकले ओलीलाई विश्वासको मत नदिने र ओलीले लिने विश्वासको मतलाई विफल बनाउन अरु दलसँग पनि छलफल गर्ने निर्णय गरेको नेता डा. प्रकाशशरण महतले जानकारी दिएका छन् । उनले पहिले प्रधानमन्त्री ओलीको योजना विफल पार्ने र त्यसपछिमात्र वैकल्पिक सरकारको बाटो खोज्ने बताए ।

वर्तमान कम्युनिस्ट सरकारले अल्पमतमा पुगिसके पनि जबरजस्ती सरकारमा बस्ने रणनीति बनाएको उल्लेख गर्दै पदाधिकारी बैठकमा यसबारे गम्भीर छलफल भएको महतले बताए ।

यसैगरी आजै सरकारले ल्याएको अध्यादेशको पनि कांग्रेस पदाधिकारी बैठकले विरोध गरेको छ । महतले भने, ‘संसद हुँदाहुँदै अध्यादेशमार्फत अघि बढेकोमा भत्र्सना गरेका छौं। संसदकै बैठक बोलाएर छलफल गर्नुपर्नेमा संसद छलेर अध्यादेश ल्याएको छ। नागरिकले उपचार नपाउने अवस्था आएको छ कोरोनाले तर यो विषयमा पनि गम्भीर ध्यानकार्षण गराउने पार्टीको तयारी छ ।’

राष्ट्रपति विद्यादेवी भण्डारीले मंगलबार सात वटा अध्यादेश जारी गरेकी थिइन् । जारी भएका अध्यादेशहरूमा विवादमा तानिएको संवैधानिक परिषद्सम्बन्धी अध्यादेश पनि समावेश रहेको हो ।

प्रधानमन्त्री ओलीले वैशाख २७ गते विश्वासको मत लिने प्रयोजनका लागि प्रतिनिधिसभा बैठक बोलाएका छन् । बैठकलाई माओवादीले पनि राम्रो उद्देश्यले नबोलाइएको ठहर गरेको छ ।

 

प्रकाशित: २१ बैशाख २०७८, मंगलवार १२:३६
Comments
Loading...