No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

गठबन्धनको सरकार भएकाले मन्त्री बन्न कसैले दबाब दिनु हुन्नः गगन थापा

  •  
  •  
  •  
  •  
  •  

चितवन । नेपाली कांग्रेसका नेता गगन थापाले प्रधानमन्त्री शेरबहादुर देउवाले चाहे आफू स्वास्थ्यमन्त्री बन्न तयार रहेको बताएका छन् ।

चितवनको भरतपुर विमानस्थलमा पत्रकारहरुसँग कुरा गर्दै थापाले मन्त्री को हुने भन्ने कुरा प्रधानमन्त्रीमा भर पर्ने बताएका हुन् । उनले अहिले गठबन्धनको सरकार भएकाले मन्त्री बन्न कसैले दबाब दिन नहुने बताए ।

उनले भने, ‘संसदमै बस भने पनि ठीक छ, सरकारमा आएर काम गर भने बकाइदा काम गरिनेछ।’ थापाले कांग्रेसको महाधिवेशन संविधान र कानूनले दिएको समय र सीमाभित्र रहेरसम्पन्न गर्नुपर्नेमा जोड दिए ।

पार्टीभित्रको विवाद नसुल्झिए पुनः केन्द्रीय समितिमा ल्याउनुपर्ने आवश्यकता औल्याउँदै उनले विवाद समाधानका लागि केन्द्रीय समितिको बैठक बोलाउन भनिएकामा बैठक नबोलाउने तर समय घर्किएपछि महाधिवेशन हुन सकेन भन्न नपाइने बताए । पार्टी सभापति र पदाधिकारीले महाधिवेशनका लागि नयाँ कार्यतालिका ल्याउनुपर्नेमा पनि उनले जोड दिए ।

थापाले दार्चुलामा भएको घटनामा सरकारलाई सहयोग गर्नुपर्ने बताए ।  उनले नागरिकको जीवन रक्षा गर्नु सरकारको मुख्य दायित्व भएकाले यस घटनामा सबै दल एकै ठाउँमा हुनुपर्ने  र संसद्को तागत सरकारलाई सुम्पनुपर्ने बताए । उनले भने, ‘नेपालको चुच्चे नक्शा    सार्वजनिक गर्दा  संसद्को तागत र सबैको सहयोगले नै सम्भव भएको थियो । त्यो तागत फेरि दार्चुला घटनाको छानबिनका लागि दिनुपर्छ ।”

 

प्रकाशित: २० श्रावण २०७८, बुधबार ०७:५६
Comments
Loading...