No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

 युभेन्टसमाथि चेल्सीको चार गोल  

साविक विजेता चेल्सीले च्याम्पियन्स लिगको नक आउट चरणमा स्थान सुरक्षित गरेको छ । गएराति भएको खेलमा चेल्सीले युभेन्टसलाई चार शून्य गोलको फराकिलो अन्तरले पराजित गर्यो । घरेलु मैदान स्टामफोर्ड ब्रिजमा चेल्सीको जितमा एकेडेमीबाट उत्पादन भएका खेलाडीको प्रदर्शन उच्च रह्यो ।

२५ औं मिनेटमा ट्रेभो चालाबाले गोल गर्दै चेल्सिलाई अग्रता दिलाएका थिए । उनको सिजनको यो  तेस्रो गोल हो । सबै गोल चालाबाले स्टामफोर्डमै गरेका हुन्  । अल्भारो मोराटाले बराबरी गोल गर्ने मौका गुमाए । उनको प्रहार  चेल्सीका थिएगो सिल्भाले गोललाइनबाट बचाएका थिए । पहिलो हाफमा एक शून्यले पछि परेको युभेन्टसलाई दोस्रो हाफमा पनि चेल्सीले खेलमा फर्कन दिएन् ।

५५ औं मिनेटमा रिस जेम्सले टिमका लागि दोस्रो गोल  थपे ।  त्यसको दुई मिनेट पछि क्यालम हडसन ओडोइले युभेन्टसँगको दुरी तीन शून्यमा पुर्याए । इन्जुरी समयमा टिमो भेर्नरको गोल पछि थोमस टुखेलको टोलीले इटालियन साइड  युभेन्टस माथि चार शून्यको प्रभावशाली जित हात पार्यो । योसँगै पहिलो खेलमा बेहोरेको एक शून्य गोलको हारको बदला पनि लियो । खेल अवधिभर चेल्सीले ७३ प्रतिशत वल आफ्नो नियन्त्रणमा राखेको थियो युभेन्टस यसअघिनै नक आउट चरण पुगिसकेको थियो ।

प्रकाशित: ९ मंसिर २०७८, बिहीबार ०५:०५
Comments
Loading...