काठमाडौँ । नेकपा एमालेले स्थानीय तहको निर्वाचनको मिति तोकेसँगै चुनाव केन्द्रित प्रशिक्षण र अभिमुखीकरण कार्यक्रम घोषणा गरेको छ । एमालेले सातै प्रदेशमा निर्वाचन केन्द्रित प्रशिक्षण तथा अभिमुखीकरण कार्यक्रम गर्न लागेको हो । महासचिव शंकर पोखरेलले माघ २५ गते प्रदेश कमिटीहरुका नाममा पत्र जारी गर्दै आवश्यक तयारीमा लाग्न निर्देशन दिएका छन् ।
दुई दिने कार्यक्रमको उद्घाटन अध्यक्ष केपी शर्मा ओलीले माघ २८ गते भर्चुअल माध्यमबाट गर्ने तय भएको एमालेले जनाएको छ । उद्घाटन सत्रमा पार्टी केन्द्रीय कमिटीका पदाधिकारी र सदस्यहरु, प्रदेश कमिटीका पदाधिकारी तथा जिल्ला कमिटीका पदाधिकारी एवं प्रशिक्षणमा सहभागी प्रशिक्षार्थीहरु सहभागी रहनेछन्।
प्रशिक्षणका विषयहरु
- क. दसौं राष्ट्रिय महाधिवेशन/विधान महाधिवेशनबाट पारित सिद्धान्त, कार्यक्रम र कार्यदिशा
- ख. सबल, गतिशील र अनुशासित पार्टी निर्माणः राजनीतिक, सङ्गठनात्मक र शैलीगत विषयहरु
- ग. स्थानीय तहमा हाम्रा पाँच वर्षः उपलब्धी र अनुभवहरु
- घ. स्थानीय तह निर्वाचनको तयारीः राजनीतिक, कानुनी र व्यवहारिक पक्षहरु
प्रशिक्षण कार्यक्रमका सहभागीहरु
- क. प्रदेश कमिटीका इञ्चार्ज तथा सह इञ्चार्जहरु
- ख. प्रदेश कमिटी पदाधिकारीहरु
- ग. प्रदेश कमिटीका स्कुल तथा स्थानीय तह विभाग प्रमुखहरु
- घ. प्रदेश अन्तर्गतका सबै जिल्ला कमिटी इञ्चार्ज/सहइन्चार्जहरु
- ङ. प्रशेश अन्तर्गतका सबै जिल्ला कमिटी पदाधिकारीहरु
- च. सबै जिल्ला कमिटी स्कुल तथा स्थानीय तह विभागका प्रमुखहरु
- छ. नेकपा (एमाले)बाट निर्वाचित जि.स.स. प्रमुख वा प्रमुख नभएको जिल्लाबाट उपप्रमुख
- ज. नेकपा (एमाले)बाट विजयी पालिका प्रमुख वा पालिका प्रमुख नभएकोमा उपप्रमुखहरु
- झ. पालिका पार्टी कमिटीका अध्यक्षहरु
प्रशिक्षणको समय तालिका र स्थान
- प्रदेश नं १– फागुन १– २, विराटनगर
- मधेस प्रदेश– फागुन ३–४, जनकपुर
- वागमती प्रदेश– फागुन ६–७, काठमाडौं
- गण्डकी प्रदेश– फागुन ८–९, पोखरा
- लुम्बिनी प्रदेश– फागुन ११–१२, बुटवल/दाङ
- कर्णाली प्रदेश– फागुन १४–१५, सुर्खेत
- सुदूरपश्चिम प्रदेश– फागुन १६–१७, धनगढी
समय
- पहिलो दिन बिहान ११ बजेदेखि साँझ ५ बजेसम्म
- दोस्रो दिन बिहान ८ बजेदेखि दिनको ४ बजेसम्म
प्रकाशित: २५ माघ २०७८, मंगलवार १३:१७