काठमाडौं । नेपालमा थप ३१८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ३१८ जनामा संक्रमण पुष्टि भएको हो । योसँगै कोरोना संक्रमितको संख्या ९७६५१२ पुगेको छ । त्यस्तै ५६२ जना संक्रमणमुक्त भएका छन् । योसँगै संक्रमणमुक्त हुनेको संख्या ९५४९०३ पुगेको छ ।
त्यस्तै कोरोना संक्रमणबाट थप एक जनाको मृत्यु भएको छ । योसँगै मृत्यु हुनेको संख्या ११,९३१ पुगेको छ । क्वारेन्टाइनमा १०७ जना छन् भने आइसोलेसनमा ९,६७८ सक्रिय संक्रमित रहेका मन्त्रालयले जनाएको छ ।
प्रकाशित: १२ फाल्गुन २०७८, बिहीबार १२:०१