No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

झापा सुपर लिग क्रिकेटमा विराट र सनराइज विजयी

0

झापा । झापा सुपर लिग क्रिकेट प्रतियोगिता विराट र सनसाइज विजयी भएका छन् । सोमबार भएको पहिलो खेलमा विराटले धुलावारी टाइगर्सलाई १८ रनले पराजित गरेको हो भने दोस्रो खेलमा बोष्टर्न ब्लाष्टरलाई सनराइजले ६ विकेटले हरायो ।

विराटले २० ओभरमा ८ विकेट गुमाएर २०९ रन बनायो । उसका लागि विवेक यादवले ३५ बलमा ८१ रन बनाए । यस्तै अङ्कित सुवेदीले ४७, सोनु अन्सारीले २५ र सिद्धान्त लोहनीले २१ रनको योगदान दिए । बलिङतर्फ गुल्सन झा, ज्ञानेन्द्र श्रेष्ठ र दिपेश कडेलले १/१ विकेट लिए । विराटले दिएको २१० रनको लक्ष्य पूरा गर्न मैदानमा उत्रेको धुलावारीले सबै विकेट गुमाएर १९१ रन मात्र बनायो ।

धुलावारीका लागि गुल्सन झाले सर्वाधिक ४९ तथा मुकुन्द यादवले २७ र सुजन थपलियाले २३ रन जोडे । बलिङतर्फ अङ्कित सुवेदीले ३ तथा अनिष लुइटेलले २ विकेट लिए । अर्को खेलमा बोष्टर्नले २० ओभरमा ४ विकेट गुमाउँदै १९० रन बनायो । उसका लागि करण केसीले ७६, दिपु भुजेलले ३९ र विधान गोश्वामीले ३२ रन जोडे ।

बलिङतर्फ सनराइजका फिरदोज अन्सारीले २ तथा कमल खत्री र शुभाङ्कर उरावले १/१ विकेट लिए । एक सय ९१ रनको विजय लक्ष्य सनराइजले १९ दशमवल ४ बलमा ४ विकेटको क्षतिमा पूरा गर्यो ।

उसका लागि सन्दिप ढुङ्गानाले ७८ रनको योगदान दिए । उनी प्लेयर अफ दि म्याच घोषित भए । यस्तै भुलाल दङ्गाल र फिरदोज अञ्सारीले २८/२८ तथा शुभाङ्कर उरावले २१ रन जोडे । बलिङतर्फ वोष्टर्नका विधान गोश्वामी र राहुल पाठकले २/२ विकेट लिए । मङ्गलबार भद्रपुर राइजिङ किङ र धुलावारी टाइगर्सबीच तथा वोष्टर्न व्लाष्टर र विराट वारियर्सबीच खेल हुने आयोजकले जनाएको छ ।

प्रकाशित: ५ बैशाख २०७९, सोमबार १७:०५

Leave a Reply