काठमाडौं । काठमाडौं महानगरपालिकाको मेयरका स्वतन्त्र उम्मेदवार बालेन साहले अग्रता बढाएका छन् । शनिबार बिहान ९० हजार २ सय ९२ मत गणना गर्दा बालेनले ३३ हजार २ सय ६० मत ल्याएका छन् ।
नेपाली कांग्रेसकी उम्मेदवार सिर्जना सिंहले एमालेका केशव स्थापितसँगको मतान्तर घटाउँदै लगेकी छिन्। केशव स्थापितले १७ हजार ६ सय ९२ र सिर्जना सिंहले १७ हजार ५ सय ७९ मत पाएका छन् ।
उमेयरमा भने एमालेकी सुनिता डंगोल फराकिलो अग्रता बनाएकी छिन् । सुनिताले २६ हजार ५ सय ७५ मत प्राप्त गर्दा नेकपा एकीकृत समाजवादीका रामेश्वर श्रेष्ठले ८ हजार ५ सय ९१ मत प्राप्त गरेका छन् । महानगरका १, २, ३, ४, ५, २८, २९, ३० र ३२ को नतिजा सार्वजनिक भइसकेको छ।
प्रकाशित: ७ जेष्ठ २०७९, शनिबार ०५:०९