प्रचण्डको धार्मिक अवतारः महाकालेश्वरमा पूजा, अब पशुपतिनाथ पनि जानुपर्छ (सम्पादकीय)

सम्पादकीयः

आफ्नो दिल्ली भ्रमणको तेस्रो दिन प्रधानमन्त्री प्रचण्डले धर्मकर्ममा आस्था राख्ने सारा नेपालीको मन जितेका छन । किन भने नास्तिक छबी बनाएका प्रधानमन्त्रीले यसट्कको दिल्ली यात्राका दौरान आफूलाई आस्तिक बनेको गहिरो सन्देश दिएका छन । धर्मलाई अफिम मान्ने साम्यवादी चिन्तनका कट्टर हिमायती प्रचण्डको धार्मिक अवतार देखियो । उनले महाकलेश्वरमा पूजा गरे जस्तै अब पशुपतिनाथ पनि जानुपर्छ । प्रचण्डले छोरा, छोरीको मृत्युमा किरिया गरेन्न, पिताको किरिया गरेन्न । श्रद्धाञ्जली सभा गरेर आफ्ना परिवारका सदस्यको मृत्यु वियोग बिदा गरे । तर यसटक दिल्ली दौरानका बेला मन्दिरको पूजा गरेका छन । आजसम्म पशुपतिनाथको दर्शन गरेर थाहा नपाएका नेपालीका लागि प्रचण्डको मन्दिर पूजा आफैंमा प्रचण्डपथले बनाएको धर्म विरोधी अडान र अभ्यासमाथिको क्रुर क्रमभंगता पनि हो ।
भारत भ्रमणमा रहेका प्रधानमन्त्री पुष्पकमल दाहाल प्रचण्डले मध्य प्रदेशको उज्जैनमा रहेको महाकालेश्वर मन्दिरमा पूजा गरेका छन् । शुक्रबार दिउँसो मन्दिरमा पुगेका प्रधानमन्त्रीले पूजाआजा गरेका हुन्।
पूजामा भ्रमण दलमा रहेका सरकारका अन्य मन्त्रीहरू पनि सहभागी थिए । प्रधानमन्त्री प्रचण्डले पत्नीको स्वास्थ्य लाभको कामना गर्दै महाकालेश्वर मन्दिरमा १०० रुद्राक्ष र ५१ हजार रुपैयाँ दान गरेका छन् । प्रधानमन्त्री नयाँदिल्लीबाट मध्य प्रदेश पुगेका थिए। इन्दोरमा प्रधानमन्त्री प्रचण्डलाई मध्य प्रदेशका मुख्यमन्त्री शिवराज सिंह चौहानले स्वागत गरेका थिए।
यसमा मननीय कुरा त सिकिस्त बिरामी हालतमा रहेकी आफ्नी जीवनसंगिनी र माओवादी जनयुद्धकी आमा भनिने सीता दाहालको स्वास्स्थ्यलाभको कामना गरे । माओवादी जनयुद्धकै आमा मानिने सीता दाहालको स्वास्स्थ्यलाभको कामनाका उनले गरेको महाकालेश्वर मन्दिरको पूजाआजा प्रधानमन्त्री प्रचण्डको अर्को उल्लेखनीय कर्म हो । यो जनयुद्धकी आमा सीतामाता प्रतिको सम्मान पनि हो । शुभेच्छा त हुदै हो ।
प्रधानमन्त्रीका रुपमा प्रचण्डले भारतको भ्रमण गर्दा मन्दिर दर्शन गरे जस्तै अब उनले देशमा पनि धार्मिक सदभाव कायम गर्न, धार्मिक पर्यटनको बिकास र बिस्तार गर्न, धार्मिक एकता र सहिष्णुता अभिवृद्धि गर्न अब पशुपतिनाथको मन्दिरमा पनि दर्शन गर्ने अभ्यास थाल्नुपर्छ । प्रचण्डले जनयुद्धका दौरान मन्दिर भत्काउने र पुजारीको हत्या गर्ने जस्ता जेजती कुकर्म गरे, गराएका भए पनि अब ती सबै पापको प्रायश्चित गर्न यस्तै कर्महरु स्वदेशमा गरिहनुपर्छ ।
समयले मानिसलाई परिवर्तनशील बनाउँछ । पशुपतिनाथको देश नेपाल, भगवान गौतम वुद्धको देश नेपाललाई धार्मिक पर्यटनको गन्तव्य बनाउन अब प्रचण्डले अब धर्मयुद्ध छेडनुपर्छ । यसका लागि उनले धर्मकर्ममा आस्था राख्ने सबैलाई सम्मान दिनुपर्छ । उनले जेजे कारणले देशलाई धर्मनिरपेक्ष बनाउन भूमिका खेलेका भए पनि अब देशलाई हिन्दूराष्ट्र बनाउन पनि योगदान गर्नुपर्छ । यसो गरे भने प्रचण्ड कालजयी धार्मिक नेता पनि हुनेछन । प्रचण्डले धर्मपत्नी सीताको मनोकाँक्षा पुरा गराउन, जनयुद्धका भुलहरु सुधार गर्न, देशलाई धार्मिक पर्यटनले सम्वृद्ध बनाउन प्रधानमन्त्रीका रुपमा नयाँ योगदान गर्नैपर्छ । किन भने प्रचण्डले जनयुद्धको नेता मात्र होईन, गणतन्त्रको पिता मात्रै हैन, अब धार्मिक क्षेत्रको महान नेता बन्ने अवसर आएको छ । उनले यो मौकाको सदुपयोगको गर्नुपर्छ । सुधारिएका प्रचण्ड शान्ति र एकताका नयाँ सूत्रधार बन्न उनको यो धार्मिक अवतार झन फलिफाप होस, प्रचण्डलाई शुभकामना ।