काठमाडौं । नेपाली कांग्रेका सभापति शेरबहादुर देउवाले कांग्रेस र नेकपा एमालेबीच भएको सहमतिमा शंका नगर्न आग्रह गरेका छन् ।
नेपाली कांग्रेसका नेता प्रदीप गिरीको दोस्रो स्मृति दिवसमा मंगलबार आयोजित कार्यक्रमलाई सम्बोधन गर्दै सभापति देउवाले दुई दलको सहमतिमा शंका नगर्न आग्रह गरेका हुन् ।
उनले दुई दलको सहमति अरु पार्टीको खिलाप नभएको भन्दै शंका नगर्न आग्रह गरे । उनले भने, ‘ओलीजी र मबीच भएको सहमतिमा कुनै शंका/उपशंका नगर्दा पनि हुन्छ । हामीले संविधान संशोधन भनेका छौँ । यो अरु पार्टीको खिलाप हुँदै होइन ।’
उनले अब माओवादी, एकीकृत समाजवादीलगायतका दलहरू पनि एक ठाउँमा आउनुपर्ने बताए । सभापति देउवाले प्रदीप गिरी ज्ञानको भण्डार रहेको बताए ।
