काठमाडौं । नेपाल प्रिमियर लिग (एनपीएल)को फ्रेन्चाईज टीम चितवन राईनोजको लोगो सार्वजनिक गरिएको छ । चितवन मेडिकल कलेज स्वामित्वको चितवन राईनोजले मंगलबार टीमको लोगो सार्वजनीक गरेको हो ।
चितवन राष्ट्रिय निकुञ्जमा पाइने एक सिङ्गे गैंडा र जैविक विविधतालाई लोगोमा झल्काइएको छ । लोगोले चितवनको हृदयको प्रतिनिधित्व गर्ने र चितवनको समृद्धि र वैभव झल्काउने राजसी गैंडा र जैविक विविधतालाई प्राथमिकतमा राखिएको टीमले जनाएको छ ।
चितवन राईनोजका प्रबन्ध निर्देशक आयुश न्यौपानेले खेलकुद र स्वास्थ्यलाई एक साथ जोड्दै नेपालको क्रिकेट विकासमा योगदान गर्न चाहेको बताएका छन् ।
