![](https://www.ujyaalonepal.com/wp-content/uploads/2023/10/Akhtiyar-CIAA-Nepal-760x465-1.jpg)
काठमाडौँ । अख्तियार दुरुपयोग अनुसन्धान कार्यालयले सेवाग्राहीबाट लिएको एक लाख रुपैयाँ घुससहित नापी कार्यालय कलंकीका सर्भेक्षकसहित दुई जनालाई बुधबार पक्राउ गरेको छ ।
सेवाग्राहीसँग घुस मागिरहेको भन्ने सूचनाका आधारमा अख्तियारले स्टिङ अपरेसन गर्दा नापी कार्यालय, कलंकीका सर्भेक्षक लक्ष्मी प्रसाद चौलागाई र लेखापढी कर्मचारी नेत्रमणी पोखरेललाई पक्राउ गरेको हो ।
उनीहरुको साथबाट घुसबापत् लिएको एक लाख रुपैयाँ रकम समेत बरामद गरिएको अख्तियारका प्रवक्ता नरहरि घिमिरेले जानकारी दिए ।