पर्सा प्रहरीको जुक्ती ! निर्दोष थुनामा, ठगलाई उन्मुक्ती

 वीरगंज। करिब एक महिना अगाडि दाङ जिल्ला निवासी सीता ढुंगानाले ईलाका प्रहरी कार्यालय तुलसीपुर दाङमा आफु ठगिएको भन्दै जाहेरी दिइन् । उनलाई वीरगन्ज महानगरपालिका – २४ रामगढवा निवासी २७ बर्षीय रन्जित कुमार कुर्मीले ठगी गरेको जाहेरीमा उल्लेख थियो । ढुंगानाले जाहेरी दिएको केही दिनमा ईलाका प्रहरी कार्यालय तुलसीपुर दाङले जिल्ला प्रहरी कार्यालय पर्सामा जाहेरी परेका ब्यक्तिलाई पक्राउ गर्न परिपत्र गरेको थियो । जाहेरीकर्ता ढुंगानाका अनुसार ठगी मुद्दामा जाहेरी परेको आधारमा केहि दिन मै रन्जितलाई पर्सा प्रहरीले नियन्त्रणमा लिएर हिरासतमा राख्यो ।

प्रहरी हिरासतमा पुगेका रन्जितले एभरेस्ट बैंक लिमिटेडको आफ्नो खातामा पटकपटक गरेर करिब ६ लाख ३५ हजार जम्मा गर्न लगाएका थिए । स्रोतका अनुसार जाहेरीकर्ताले जम्मा गरेको रकम ठगी गरेका रन्जितले खाताको रकम निकालेपछि खातामा आएको रकम मध्ये चार लाख ५० झिकिसकेपछि ढुंगानाले उनको खाता रोक्न लगाएकी थिइन् ।

प्रहरी स्रोतका अनुसार ठगी गरेको आरोपमा पक्राउ परेका रन्जितले जाहेरीकर्ता ढुंगाना संग लिएको रकम उनले प्रहरीको रोहवरमा फर्काएका थिए । उनले जाहेरीकर्ता ढुंगाना संग रन्जितले कुन प्रयोजनका लागि रकम लिएका हुन भन्ने प्रहरी अनुसन्धानमा अहिलेसम्म खुल्न सकेको छैन । जाहेरीकर्ता ढुंगाना संग कुनै सम्बन्ध नरहेका ब्यक्तिले उनी संग खातामा रकम जम्मा गर्न लगाएर प्रहरीको रोहवरमा फिर्ता गर्न लगाएर उन्मुक्ति दिईएको छ । स्रोतका अनुसार जाहेरीको आधारमा पक्राउ परेका रन्जित ठगेको रकम मध्ये चार लाख ५० हजार रकम फिर्ता गरेर प्रहरी हिरासतमा उन्मुक्ति पाए ।

जाहेरी कर्तालाई ठगी गरेको आरोपमा पक्राउ परेका रन्जितलाई प्रहरीले मुद्दा चलाउनु साटो उन्मुक्ति दिएको प्रहरी स्रोतले जनाएको छ । प्रहरी हिरासतमा पुगेका रन्जितलाई ठगी गरेको प्रमाण हुँदा हुदैपनि उन्मुक्ति दिन एकजना निर्दोषलाई भने प्रहरीले हिरासतमा राखेको छ । संग्लन नभएका यादव कसरी हिरासतमा पुगे ? प्रहरीले यो कारोबारमा संग्लन नै नभएको भारतीय नागरिकलाई मुख्य योजनाकार बनाएर प्रहरी हिरासतमा राखेको फेला परेको छ ।

जाहेरीकर्ताका अनुसार यो बैंकिङ कारोबारमा संग्लन नै नभएका ब्यक्तिलाई हिरासतमा राखेको फेला परेको हो । ठगी गरेका रन्जितले आफू ठगी मुद्दा बाट जोगिन भारत बिहार पुर्वी चम्पारणका बेलवा निवासी ३६ बर्षका कवल किशोर यादवलाई प्रहरी हिरासतमा पुर्याएको स्रोतले जनाएको छ । स्रोतका अनुसार रन्जितले आफू जोगिन आफ्नो चिनजान रहेका यादवलाई विगत १९ दिन अगाडि हिरासतमा राख्न लगाएर आफू जोगिएको फेला परेको हो । प्रहरी हिरासतमा पुगेका यादव विरुद्ध प्रहरीले सार्वजनिक शान्ति भंग गरेको कसुरमा अभद्र ब्यवहार मुद्दामा लगाएर अनुसन्धान गरिरहेको प्रहरीले जनाएको छ ।

प्रहरी स्रोतका अनुसार ठगी गरेको ब्यक्तिलाई उन्मुक्ति दिन प्रहरीले यादवलाई पक्राउ गरेर हिरासतमा राखेको अवस्था छ । यता पर्साका प्रहरी प्रबक्ता प्रहरी नायब उपरीक्षक कुमार बिक्रम थापाले जाहेरीकर्ता ढुंगाना संग रकम लिएका रन्जितको मुख्य योजनाकार प्रहरी हिरासतमा रहेका कवलकिशोर रहेको बताए । उनका अनुसार जाहेरीकर्ताले प्रहरी हिरासतमा रहेका कवलकिशोरको निर्देशनमा रन्जितलाई पैसा हाल्न लगाएको देखिएको छ । प्रहरी नायब उपरीक्षक थापाले प्रहरी हिरासतमा रहेका कवलकिशोरले रन्जितको खातामा आएको रकम आफुले भनेर आफ्नो चिनजानको ब्यक्तिलाई पठाउन लगाएको देखिएको बताए । तर उक्त मुद्दामा कवलकिशोरलाई १९ दिन देखि प्रहरी हिरासतमा राख्दा समेत उक्त मुद्दामा प्रहरीले उनको संग्लनको प्रमाण जुटाउन नसकेको स्रोतले जनाएको छ  ।