प्रतिनिधिसभाबाट विनियोजन विधेयक पास गर्ने तयारी

१० असार २०८१, आईतवार ०२:०८

काठमाडौं । संघीय संसदको दुवै सदनको बैठक आज बस्दै छ। सरकारले आजको प्रतिनिधिसभाबाट विनियोजन विधेयक पास गर्ने तयारी गरेको छ ।

आज बिहान संघीय संसद भवन नयाँ बानेश्वरमा ११ बजे बस्ने बैठकमा अर्थमन्त्री वर्षमान पुनले विनियोजन विधेयक २०८१ लाई पारित गरियोस् भनि प्रस्ताव पेश गर्ने सम्भावित कार्यसूची रहेको छ ।

बजेट पास गर्ने दिन संसदमा सबै सांसदलाई अनिवार्य उपस्थित हुन् कांग्रेसले गत शुक्रबार नै ह्विप जारी गरेको छ ।
बजेट पास गर्ने कार्यसूची सँगै आजको बैठकमा ‘आर्थिक विधेयक २०८१ माथि विचार गरियोस्’, ‘राष्ट्र ऋण उठाउने विधेयक २०८१ माथि विचार गरियोस्’ र ‘भन्सार महशुल सम्बन्धी विधेयक २०८१ माथि विचार गरियोस्’ भन्ने तीन ओटा विधेयक बैठकमा प्रस्तुत गर्ने कार्यसूची रहेको संसद सचिवालयका महासचिव पद्य प्रसाद पाण्डेयले जानकारी दिए ।

त्यसअघि आजै विनियोजन विधयेकमाथिको छलफलमा उठेको प्रश्नको जवाफ सम्बन्धित मन्त्रीले दिने कार्यसूची समेत छ।

यस्तै, आजको राष्ट्रियसभा बैठकमा भने उत्पति भएको सुरक्षित कारोबार पहिलो संशोधन विधेयक २०८० का सम्बन्धमा प्राप्त सन्देशसहितको टेबुल गरिने सम्भावित कार्यसूचीमा उल्लेख छ।