No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

शत्रुका अखडामा जस्तोसुकै आक्रमणका लागि तयार रहन लडाकू विमानका पाइलटलाई किमको निर्देशन

  • 7
  •  
  •  
  •  
  •  
    7
    Shares

उत्तर कोरियाली नेता किम जोङ–उनले मुलुकको सेनालाई थप सुदृढ गर्ने उद्देश्यले आयोजित पारासुट सैन्य अभ्यासको अवलोकन गरेका छन् ।

अमेरिका र दक्षिण कोरियाले कोरियाली द्वीपलाई नै आणविक निःशस्त्रीकरण गर्न कुटनीतिक वार्ता र संवाद गरिरहे पनि अमेरिकामाथि थप दबाब सिर्जना गर्न उत्तर कोरियाले हातहतियारको प्रदर्शन र सैन्य अभ्यासलाई निरन्तरता दिइरहेको छ ।

अमेरिकी राष्ट्रपति डोनाल्ड ट्रम्पले किमलाई “चाँडै भेटौंला” भन्दै ट्वीट गरेको केही घण्टा नबित्दै उत्तर कोरियाले सैन्य अभ्यास गरेको तस्वीर सार्वजनिक गरेको छ ।

राष्ट्रपति ट्रम्पले ट्वीटमा आणविक निःशस्त्रीकरण सम्बन्धी वार्तामा जतिसक्दो चाँडो सहमति भएको हेर्न चाहेको बताएका छन् । उत्तर कोरियासँग जारी आणविक निःशस्त्रीकरण वार्तालाई सहजीकरण गर्न उक्त संयुक्त सैन्य अभ्यास स्थगित गरिएको अमेरिकी भनाइ छ ।

उत्तर कोरियाले आफ्नो मुलुकमाथि आक्रमण गर्ने नियोजित षडयन्त्रस्वरूप संयुक्त सैन्य अभ्यास गरिएको भन्दै विरोध गर्दै आएको थियो । उत्तर कोरियाले अमेरिकालाई यस वर्षको अन्त्यसम्ममा दुवै मुलुकलाई स्वीकार्य स्पष्ट योजनासहित अघि आउन आग्रह गर्दै आएको छ ।

उत्तर कोरियाले तीन दिनको अन्तरालमा दुई वटा सैन्य अभ्यास गरेको प्रचार गरेको छ । शनिबार प्रकाशित एक रिपोर्टमा किमले लडाकू बिमानका पाइलटहरुलाई शत्रुका अखडामा जस्तोसुकै आक्रमणका लागि तयार रहन निर्देशन दिएका थिए ।

Comments
Loading...