No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

सप्तरीका वीरेन्द्र बने आइएमई बम्पर बिजेता

  • 1
  •  
  •  
  •  
  •  
    1
    Share

काठमाडौं । बैंकिङ च्यानलबाट रेमिट्यान्स भित्र्याउँदै आएको आइएमई लिमिटेडले दशैंका अवसरमा ल्याएको ‘दशैंमा डबलको डबलको डबल’ अफरको बम्पर बिजेता सप्तरीका वीरेन्द्र खङ्खत्वे बनेका छन् । आइएमईले काठमाडौंमा बिहीबार एक कार्यक्रम गरी लक्कि ड्र मार्फत बिजेता घोषणा गरेको हो ।

बिजेता खङ्खत्वेले आइएमई मार्फत ५९ हजार ७ सय ३२ रुपैयाँ पठाएका थिए । उनले बम्पर अफर मार्फत पठाएको रकमको आठ गुणा ४ लाख ७७ हजार ८ सय ५६ रुपैयाँ जितेका छन् । कार्यक्रममा आइएमई ग्रुपका अध्यक्ष चन्द्रप्रसाद ढकालले आइएईले ल्याएको यस्तो योजनाले विदेशमा बसेर कमाएको रकमलाई बैंकिङ प्रणालीमार्फत देशमा भित्र्याउन सहयोग पुगेको बताए ।

आइएमईका प्रमुख कार्यकारी अधिकृत सुमन पोखरेलले यस वर्षको स्किममा सेवाग्रहीको उल्लेख्य सहभागिता रहेको बताए । ब्राण्ड एम्बास्डर दीपकराज गिरीले आइएमईले ल्याएका विभिन्न अफरहरुका कारण आइएमई सफल ब्राण्ड बनेको बताए ।

आइएमईले यसवर्षको दशैंमा डबलको डबलको डबल अफर अन्तर्गत दैनिक लक्की ड्र मार्फत ११ हजार ९ सय ३१, साप्ताहिक लक्की ड्र मार्फत २२ जना, मासिक लक्की ड्र मार्फत ४ जना र बम्पर लक्की ड्र मार्फत १ जना सेवाग्राहीलाई बम्पर उपहार उपलब्ध गराएको हो । आइएमईले गत भदौ १५ गते देखि कात्तिक मसान्त सम्मका लागि उक्त अफर सार्वजनिक गरेको थियो ।

Comments
Loading...