No. 1 News Portal from Nepal, Political News, Science, Social, Sport, Ecomony, Business, Entertainment, Movie, Nepali Model, Actor, Actores, Audio, Video, Interview

कर समायोजन गर्ने धरानका मेयर तिलक राईको पहिलो निर्णय

  • 3
  •  
  •  
  •  
  •  
    3
    Shares

धरान । धरान उपमहानगरपालिकाका नवनिर्वाचित मेयर तिलक राईले बुधबार पदभार ग्रहण गरेका छन् । विहान ११ बजे गणेशमान चौकस्थित गणेशमान सिंहको सालिकमा माल्यार्पण त हरियाली सामुदायिक वन परिसरमा रहेको पूर्वमेयर स्व. तारा सुब्वाको सालिकमा माल्यार्पण गरी पदभार ग्रहण गरेका हुन् ।

पदभार ग्रहणसँगै उनले धरान उपमहानगरपालिकाको करको विषयमा उठेका कुरालाई आगामी नगरपरिषद्मा कर समायोजनको विषय लगि कर समायोजन गर्ने पहिलो निर्णय गरेका छन् । नेपाली काङ्ग्रेसले यस अघि कर बढेको विरोधमा उपमहानगरपालिका घेराउ नै गरेको थियो ।

पदभार ग्रहण गदैं नव नियुक्त मेयर राईले आफुले पार्टी र व्यक्तिगत एजेण्डा नभएर समग्र नगरवासीको एजेण्डा लिएर अगाडि बढ्ने प्रतिबद्धता व्यक्त गरेका छन् । उनले मंगलबार नेकपा निर्वाचन परिचालन कमिटीले कर समायोजन गर्न संसदीय समितिलाई दिएको निर्देशनको स्वागत गदैं पार्टीलाई धन्यवाद दिएका थिए ।

स्थानीय तहमा कुनै पक्ष र प्रतिपक्ष नहुने भन्दै उनले दलगत एजेण्डा भन्दा माथि उठेर जनताको काम गर्ने बताए । उनले निष्ठा र उमान्दारीतापूर्ण काम गर्नसमेत कर्मचारीहरुलाई निर्देशन दिएका छन् ।

Comments
Loading...