काठमाडौँ । विशेष अदालतले पोखरा अन्तर्राष्ट्रिय विमानस्थल निर्माणमा भ्रष्टाचार मुद्दाको अभियोग लागेका नेपाल नागरिक उड्डयन प्राधिकरणका तत्कालीन निर्देशक मुकुन्द प्रसाद भण्डारीलाई साधारण तारेखमा छाड्ने आदेश दिएको छ ।
विशेष अदालतका न्यायाधीशहरू नारायणप्रसाद पौडेल, हेमन्त रावल र डिल्लीरत्न श्रेष्ठको इजलासले बिहीबार तत्कालीन निर्देशक भण्डारीलाई साधारण तारेखमा छाड्ने आदेश दिएको छ ।
अख्तियार दुरुपयोग अनुसन्धान आयोगले गत मंसिर २१ गते भण्डारीलाई ८ अर्ब ३६ करोड ७३ लाख ५५ हजार २ सय ९७ रुपैयाँको बिगो दाबी गर्दै भ्रष्टाचार मुद्दा दायर गरेको थियो ।
आयोगले प्राधिकरणका तत्कालीन निर्देशक भण्डारीसहित ५५ जनालाई विपक्षी बनाएर भ्रष्टाचार मुद्दा दर्ता गरेको थियो ।
