काठमाडौं । सरकारले औषधि उत्पादनमा आत्मनिर्भरता बढाउने उद्देश्यका साथ थप २५ प्रकारका औषधिहरू नेपालमै उत्पादन गर्ने घोषणा गरेको छ।
सङ्घीय संसद्को संयुक्त बैठकमा आगामी आर्थिक वर्ष २०८३/८४ को वार्षिक बजेट प्रस्तुत गर्दै अर्थमन्त्री डा. स्वर्णिम वाग्लेले मुलुकभित्रै औषधिको उत्पादन बढाउने नीति अनुरूप यस्तो कार्यक्रम समावेश गरिएको जानकारी दिएका छन्।
हाल नेपालमा उत्पादन भइरहेका औषधिहरूका अतिरिक्त नयाँ प्रकारका आवश्यक र जीवनरक्षक २५ वटा औषधिको उत्पादन देशभित्रै सुरु गरिने बजेटमा उल्लेख छ। यो व्यवस्था सङ्घीय सरकार मातहत रहेको सरकारी औषधि उत्पादक कम्पनी (नेपाल औषधि लिमिटेड) मार्फत कार्यान्वयनमा ल्याइनेछ।
