फाल्गुन १२ बिरगंज । सीमा सुरक्षा गुल्म, बिरगजंका गुल्मपति सशस्त्र प्रहरी नायब उपरीक्षक लोकेन्द्र सुब्बाको कमाण्डमा खटेको टोलीले बीरगञ्ज महानगरपालिका आदर्शनगर चाचान मार्केट स्थित शिवम इम्पोरीयममा छापामारी गरि भारी मात्रामा अबैध कपडा बरामद गरेको छ । विषेश सुचनाको आधारमा सशस्त्र प्रहरी र वीरगञ्ज भन्सारको संयुक्त टोलीले छापामारी गरेका थिए। प्रस्तावित सीमा सुरक्षा गुल्म वीरगञ्जले वीरगञ्जको आदर्शनगरस्थित रहेको शिवम ईम्पोरियममा छापामारी गरी लाखौ मुल्यका भन्सार छलीका कपडा बरामद गरेको हो ।
वीरगञ्जको मुख्य बजार आदर्शनगर स्थित रहेको चाचान मार्केटमा संचालनमा रहेको शिवम इम्पोरियममा सशस्त्र प्रहरी र वीरगञ्ज भन्सारको संयुक्त टोलीले छापामारी गरी भन्सार छली भित्रयाईएको लाखौ मुल्यका कपडा बरमद गरेको हो । सशस्त्र प्रहरी र वीरगञ्ज भन्सारको संयुक्त टोलीले छापामारी गर्दा ईम्पोरियमको गोदामबाट ५० बोरा भन्दा बढी रहेको कपडा बरामद गरिएको सशस्त्र प्रहरीले जनाएको छ । बरामद गरिएको कपडाको बजार मुल्य अन्दाजी मुल्य ३० लाख भन्दा बढीको रहेको बताइएको छ ।
