चीनको उत्तरी प्रान्त हेइलोङजियाङले हिमआँधीका लागि ‘रेड अलर्ट’ जारी गरेको छ । आइतबार साँझदेखि आज साँझसम्म २० मिलिमिटरदेखि ४० मिलिमिटरसम्म हिमपात र वर्षा हुने अनुमान गरिएको छ ।
प्रान्तका केही भागमा ४० मिलिमिटरभन्दा बढी वर्षा हुने अनुमान गरिएको छ । प्रान्तीय राजधानी हार्बिनले पनि हिमआँधीका लागि रेड अलर्ट जारी गरेको छ ।
नगरपालिका शिक्षा ब्यूरोले आज शहरका छ वटा मुख्य जिल्लाहरूमा किन्डरगार्टेन, प्राथमिक र माध्यमिक विद्यालय र अन्य शैक्षिक तथा प्रशिक्षण संस्थाहरूमा कक्षाहरू स्थगित गर्ने घोषणा गरेको छ । चीनमा मौसमसम्बन्धी खतरा सङ्केतलाई सबैभन्दा बढी खतरा रातो, त्यसपछि सुन्तला, पहेंलो र निलो गरी चार तहमा व्यक्त गरिन्छ ।
प्रकाशित: २० कार्तिक २०८०, सोमबार ०२:२४