काठमाडौं । सरकारले सूर्तिजन्य पदार्थ र मदिरामा कर बढाउने भएको छ । विश्व स्वास्थ्य संगठनको ७६औँ महासभामा भाग लिन जेनेभा पुगेका स्वास्थ्य तथा जनसंख्यामन्त्री मोहनबहादुर बस्नेतले डब्लूएचओका प्रमुख टेड्रोस ग्रेबियससँगको भेटमा सूर्तीजन्य पदार्थ र मदिरामा कर बढाउने बताएका हुन् ।
नेपालले गरेको प्रतिबद्धता सार्वजनिक गर्दै टेड्रोसले करबाट आउने रकमले विपन्नहरुको स्वास्थ्य सेवामा लगाउन सहयोगी हुने बताएका छन् । उनले नेपाललाई टाइफाइड भ्याक्सिनमा विश्व स्वास्थ्य संगठनले सहयोग गर्ने बताएका छन्। साथै टेड्रोसले नेपालमा क्षयरोग निर्मूल पार्न र डेंगुलगायतका रोग अन्त्य गर्न सहकार्य गर्ने पनि बताएका छन् ।
🙏 , Minister Bahadur Basnet for sharing #Nepal’s plans to increase tobacco & alcohol taxes, which will help fund health coverage for those who are vulnerable. @WHO will continue to support your efforts on typhoid vaccination, to #EndTB & on vector-borne diseases. #WHA76 pic.twitter.com/5b4Rj6BRZi
— Tedros Adhanom Ghebreyesus (@DrTedros) May 25, 2023