इजिप्टमा भएको एक सवारी दुर्घटनामा परी कम्तीमा ८ जना बालबालिकाको ज्यान गएको छ भने चार जना घाइते भएका छन् । इजिप्टको डेल्टा प्रान्तको नेहिजार सहरमा सडकमा सवार १२ जना बालबालिकालाई एक सवारीले ठक्कर दिएको थियो ।
त्यसपछि उनीहरु पानीको नहरमा खसेका थिए । नहरमा खसेर गम्भीर बनेका उनीहरुमध्ये आठ जना बालबालिकाको ज्यान गएको छ भने अरु चार जना घाइते भएका छन् ।
घाइतेहरुको उपचार जारी रहेको यहाँका प्रान्तीय प्रहरी प्रमुखले जानकारी दिएका छन् । उनका अनुसार सो सवारीका चालकलाई प्रहरीले नियन्त्रणमा लिएको छ ।
प्रकाशित: १८ बैशाख २०७९, आईतवार ०६:१६