टर्कीको केन्द्रीय बैङ्कले सुनको आयातमा तीव्र वृद्धि र ऊर्जा आयात बिलहरू बढ्दै गएपछि जनवरीमा देशको चालु खाता घाटा झन्डै ९ दशमलव ८५ अर्ब अमेरिकी डलर पुगेको जनाएको छ ।
केन्द्रीय बैङ्कको तथ्याङ्कले सुन र ऊर्जा बाहेक चालु खातामा जनवरीमा दुई अर्ब छ करोड डलर खुद बचत रहेको पनि देखाएको छ ।
चालु खाता मौज्दात हुने वस्तुहरूमध्ये वस्तुको वैदेशिक व्यापारमा १२ अर्ब ४३ करोड डलरको घाटा रहेको छ भने सेवातर्फ तीन अर्ब १६ करोड डलरको खुद बचत रहेको छ ।
सेवा व्यापारअन्तर्गत ट्राभल वस्तुले २ दशमलव ४५ अर्ब डलरको बचत रहेको देखाएको छ । आधिकारिक तथ्याङ्कअनुसार जनवरीमा चालु खाता घाटाले मार्च २०११ को कीर्तिमान ९ दशमलव ४१ अर्ब डलर घाटालाई पनि उछिनेको छ ।
प्रकाशित: ३० फाल्गुन २०७९, मंगलवार ०२:३२