काठमाडौँ । कमेडी रियालिटी सो ‘कमेडी दरबार’ को टिजर सार्वजनिक गरिएको छ । टिजरमा अभिनेत्री गौरी मल्ल, अभिनेता विजय बराल, हाँस्य कलाकार हिमेश पन्त, पवन खतिवडा, मोडल पबित्रा शाकी (मिस पबि)लगायत देख्न सकिन्छ कमेडी दरबारमा अभिनेत्री गौरी मल्ल महारानीको भूमिकामा छिन्।
त्यसमा अन्य कलाकार अभिनेत्री नम्रता सापकोटा, नम्रता श्रेष्ठ, हाँस्य कलाकार उत्सव सापकोटा, सुन्दर खनाललगायतको प्रस्तुति रहनेछ । ‘कमेडी दरबार’ आगामी असार १४ देखि प्रसारण हुनेछ । यसको निर्देशन कमेडियन विक्की अग्रवाल र उनकी पत्नी श्रद्धा प्रसाईंले गरेका छन्।
