काठमाडौँ । राष्ट्रिय खेलकुद परिषद्को उपाध्यक्ष पदमा नियुक्त भएका विशाल श्रेष्ठले पदबहाली गरेका छन् ।
नेपाल सरकारले उनलाई बुधबार उपाध्यक्ष पदमा नियुक्त गरेको थियो । पदबहालीपछि उपाध्यक्ष श्रेष्ठले खेल मैदानबाट व्यवस्थापकीय जिम्मेवारीमा आएको बताउँदै सबैको सहकार्यमा खेलकुद क्षेत्रको विकासमा योगदान दिने विश्वास व्यक्त गरे ।
त्यसैगरी परिषद्मा उपाध्यक्षसहित नवनियुक्त सदस्यहरू मोनालिसा खम्बु, सिक्का सुवाल श्रेष्ठ, शक्तिप्रसाद गौचन र पवन शाहीलाई स्वागत गरिएको छ ।
कार्यक्रममा परिषद्का सदस्य सचिव रामचरित्र मेहताले खेलकुदको पछिल्लो अवस्थाबारे जानकारी गराएका थिए ।
उक्त कार्यक्रममा शिक्षा तथा खेलकुद मन्त्रालयका प्रमुख सल्लाहकार सिद्धि ब्यञ्जनकार तथा परिषद्का विभागीय र शाखा प्रमुखहरूको उपस्थिति रहेको थियो ।
