काठमाडौं । उच्च अदालत पाटनका एक न्यायाधीशको हृदयघातका कारण निधन भएको छ । न्यायाधीश मातृका मरासिनीको हृदयघातका कारण निधन भएको हो । मंगलबार घरमै हृदयाघात भएका उनलाई उपचारका लागि कलंकीस्थित नेशनल अस्पतालमा भर्ना गरिएको थियो ।
तर, अस्पताल पुर्याएलगत्तै चिकित्सकले उनलाई मृत घोषणा गरेका थिए । न्यायपरिषद्ले गत १८ पुसमा उच्च अदालतमा रिक्त रहेको ४० मध्ये ३९ जना न्यायाधीश नियुक्त गरेको थियो। रौतहट जिल्ला अदालतबाट उनी उच्चमा भर्खर बढुवा भएर आएका थिए।
प्रकाशित: १६ माघ २०८०, मंगलवार ०७:०३