काठमाडौं । प्रतिनिधिसभाको शुक्रबारबो दोस्रोपटक बसेको बैठकमा पनि प्रमुख विपक्षी दल नेपाली कांग्रेसले अवरोध गरेपछि सभामुख देवराज घिमिरेले १ जेठसम्मका लागि बैठक स्थगित गरेका छन् । दोस्रो बैठकमा सभामुख घिमिरले उपप्रधान तथा गृहमन्त्री रवि लामिछानेलाई बोल्न समय दिएका थिए ।
मन्त्री लामिछाने बोल्न तयार भइरहँदा कांग्रेस सांसदहरू वेल घेराउ गर्न पुगेका हुन् । उनीहरू सहकारी ठगलाई कारबाही गर, संसदीय छानबिन समिति गठन गर भन्दै नाराबाजी गरेका थिए ।
अब १ जेठ साँझ ६ बजे बैठक बस्ने उनले घोषणा गरे । दोस्रो बैठक सुरु भएलगत्तै कांग्रेसको सांसदहरू वेल घेराउ गर्न पुगेका थिए । यसअघि आजै पहिलोपटक बसेको बैठकमा पनि कांग्रेसका सांसदहरूले वेल घेराउ गरेपछि १५ मिनेटको लागि स्थगित गरिएको थियो ।
प्रकाशित: २८ बैशाख २०८१, शुक्रबार १२:३१