काठमाडौं । नागरिक उन्मुक्ति पार्टीका संरक्षक रेशम चौधरीले लाल आयोगको प्रतिवेदन सार्वजनिक गर्न माग गरेका छन्। बुधबार सर्वोच्च अदालतले रेशमसहित टीकापुर घटनाको मुद्दाको अन्तिम फैसलाको पूर्णपाठ सार्वजनिक गरेपछि बिहीबार सामाजिक संजालमार्फत उनले लाल आयोगको प्रतिवेदन सार्वजनिक गर्न माग गरेका हुन्।
उनले लाल आयोगको प्रतिवेदन सार्वजनिक नगरे आन्दोलन गर्न बाध्य हुने चेतावनी दिएका छन् । उनले भनेका छन् ‘लाल आयोगको प्रतिवेदन सार्वजनिक गर्नुपर्छ । अब प्रतिवेदन सार्वजनिक नगरे हामी सडक, सदन, सरकारको साथै सबै प्रकारको आन्दोलन गर्न बाध्य हुनेछौं । सबैकुरा मैले बोल्नैपर्छ भन्ने छैन, अन्तरंग सबै कुराले हामी माथिको व्यबहार पुष्टि गर्छ । हामीले सबैकुरा सह्यौं,सहिराखेका छौं तर कहिलेसम्म सहने ? हाम्रो विशुद्ध राजनीतिमा घुसपैठ गराएर अझै पुनः हाम्रै मान्छे प्रयोग गरेर हामीलाई अलग्याउन खोज्नु कदापि राम्रो होइन । हामीले हामी भित्रका गद्दार चिनेका छौं तर मुख खोलेका छैनौं,यसको मतलब यो होइन कि हामी अन्जान छौं । समय आए सबै प्रकारको सामना गरिन्छ ।’
रेशम चौधरीलाई माफी दिने जस्ता घटनाले मुलुकको कानुन व्यवस्था पीडकको हातमा पुग्ने सर्वोच्चको ठहर