काठमाडौं । नेकपा एमालेले सुन तस्करी छानबिन गर्न उच्चस्तरीय छानबिन समिति बनाउन माग गरेको छ । बुधबारको प्रतिनिधिसभा बैठकको सुरुमै एमाले प्रमुख सचेतक पदम गिरीले छानबिन समितिको सुनिश्चितता नभएसम्म सदन चल्न नदिने बताए ।
गिरीले सत्ताको आडमा मान्छे जोगाउने काम भएको आरोप लगाउँदै गृहमन्त्री नारायणकाजी श्रेष्ठलाई कुर्सीमा बस्ने नैतिकता नभएको बताए । गृहमन्त्री श्रेष्ठ र अर्थमन्त्री प्रकाशशरण महतको मिलेमतोमा नेपालमा गैरकानुनी रूपमा २० क्विन्टल सुन भित्रिएको आरोप लगाए ।
उनले भने,’भन्सारको कर्मचारीले मात्रै यत्रो काम गर्न सक्दैनन्। अर्थमन्त्री र गृहमन्त्रीको संलग्नतामा यो घटना भएको हो। उहाँहरू कुर्सीमा बस्न लायक हुनुहुन्न ।’
प्रकाशित: १० श्रावण २०८०, बुधबार ०९:४४