केशवप्रसाद भट्टराई ।
त्यसैले चीनले नेपालका कम्युनिस्ट पार्टीहरूलाई एक गराउन र प्रचण्ड –देउवाको गठवन्धन भत्काउन आफ्नो प्रभाव र दवाव प्रयोग गरेको कुरामा कुनै अन्यथा मान्नु परेन । अमेरिकी राष्ट्रपतिको निर्वाचनमा पुटिनले ट्रम्पलाई जिताउन र सी जिनपिङ्गले बाइडेनलाई जिताउन अमेरिका भित्रका आफ्ना प्रभाव र दवाव समूहलाई व्यापक प्रयोग गर्दैछन् ।
२०१६को चुनावमा पनि ट्रम्पलाई जिताउन पुटिनले सक्दो गरेकोबारे स्वयं रिपब्लिकनहरूको बहुमत भएको सिनेटले एउटा प्रतिवेदनमा उल्लेख गरेको थियो । फ्र्यांकलिन रुजवेल्टका उपराष्ट्रपति र ह्यारी ट्रुमेनका पूर्व कृषि, वाणिज्य मन्त्री हेनरी वालेसले एउटा नयाँ प्रगतिशील पार्टी खोलेर ट्रुमेन विरुद्ध राष्ट्रपतिको उम्मेदवार बने र स्टालिन , ग्रोमिको लगायतका सोभियत नेतृत्वसँग गोप्य साँठगाँठ गरेका थिए ।
रुसमा पुटिनलाई हराउन अमेरिकाले विगतमा हिलारी क्लिन्टनको विदेश मन्त्रित्वमा सक्दो गर्यो । राजा वीरेन्द्रले राजीव गान्धी र काङ्ग्रेस विरुद्ध भाजपालाई चुनावमा सहयोग गरेको समाचार आएको थियो । नरेन्द्र मोदीको विकल्पमा भाजपा भित्र र वाहिर भरपर्दो नेतृत्व नदेखिएर मात्रै हो नत्र अमेरिका र युरोपले सकेसम्म गर्ने थियो मोदीलाई हराउन । र स्वयम् नरेन्द्र मोदीले २०२० को निर्वाचनमा ट्रम्पको पक्षमा सार्वजिकरुपमा नै बोलेका थिए । त्यसैले चीनले नेपालका कम्युनिस्ट पार्टीहरूलाई एक गराउन र प्रचण्ड –देउवाको गठवन्धन भत्काउन आफ्नो प्रभाव र दवाव प्रयोग गरेको कुरामा कुनै अन्यथा मान्नु परेन ! भारतले प्रचण्ड ओली गठवन्धनलाई नरुचाएको हुनसक्छ ।
विश्व राजनीतिमा यो हुन्छ । भैरहन्छ । हजार–दुई हजार वर्ष अघि पनि हुन्थ्यो , आज पनि हुन्छ र भोलि पनि । तपाइँ हाम्रो निन्दा, विरोध र घृणाले यो रोकिन्न, रोक्न सकिन्न । राज्यको आन्तरिक क्षमता निर्माण गरेर धेरै हदमा त्यस्तो वाह्य दवाव र प्रभावलाई रोक्न वा राष्ट्रिय हितमा उपयोग गर्न सकिन्छ !