काठमाडौं । नेपाली कांग्रेसका नेता गुरुराज घिमिरेले एमालेलाई जस्तै कांग्रेसलाई ठेगान लगाइदिने भन्ने माओवादी अध्यक्ष प्रचण्डको अभिव्यक्तिप्रति आपत्ति जनाएका छन् ।
सामाजिक संजालमार्फत घिमिरेले बारम्बार भन्दै र औंल्याउँदै आएको सत्यलाई प्रचण्डले ओकलेरै छाडेको बताएका हुन् । उनले भनेका छन्,‘बारम्बार भन्दै र औंल्याउँदै आएको सत्यलाई प्रचण्डले आखिर ओकलेरै छाडे । वर्तमान प्रणालीको उपयोग मात्र गरेको हो । स्वीकारेको वा अपनाएको होइन । यस्तो भयानक प्रवृत्तिलाई हामी मलजल गर्दैछौं किन ? जुन घरमा बसेको हो,त्यसैमा आगो झोस्ने उद्देश्य !’
आफ्ना जनप्रतिनिधिलाई प्रशिक्षण,धन्य हाम्रो विवेक !’ पार्टीका नवनिर्वाचित जनप्रतिनिधिलाई प्रशिक्षण दिने क्रममा माओवादी अध्यक्ष प्रचण्डले चुनावी परिणामबाट कांग्रेसलाई दम्भ नदेखाउन र दम्भ देखाए एमालेलाई जस्तै ठेगान लगाउने चेतावनी दिएका थिए ।