सुदूरपश्चिममा मुख्यमन्त्रीका लागि परेका दुवै दाबी अस्वीकृत, पुनः दाबी गर्न दुई दिनको म्याद

सुदूरपश्चिम । सुदूरपश्चिमका प्रदेश प्रमुख नजिर मियाँले मुख्यमन्त्रीका लागि परेका दुवै दाबी अस्वीकृत गरेका छन् । प्रदेश प्रमुख नजिर मियाँले दुवै जनाको दाबी नपुगेको भन्दै पुनः दुई दिन समय दिएर फेरि दाबी पेस गर्न दलहरूलाई आह्वान गरेका हुन् ।

सुदूरपश्चिमको मुख्यमन्त्रीमा आइतबार नागरिक उन्मुक्ति पार्टीको रेशम चौधरी पक्षका लक्ष्मण किशोर चौधरीले नेपाली कांग्रेस र समर्थनमा र नाउपाकै रञ्जिता चौधरी पक्षका कैलाश चौधरीले मुख्यमन्त्रीमा दाबी पेस गरेका थिए ।

पछिल्लो राजनीतिक सहमति अनुसार अब सुदूरपश्चिमको मुख्यमन्त्री नेकपा एकीकृत समाजवादीका दीर्घ सोडारी बन्ने छन् ।

उनलाई मुख्यमन्त्री बनाएर सत्ता गठबन्धनको संकट टार्ने सहमति भइसकेको छ । सोही सहमतिलाई नजरमा राखेर प्रदेश प्रमुख मियाँले पहिले परेका दुवै दाबी अस्वीकृत गरेका हुन् ।